Banorët e fshatit Pllanë në Lezhë janë kthyer në policë, teksa ndaluan një person, i cili po tentonte të vidhte një banesë, ndërkohë që bashkëpunëtori i tij ka mundur të largohet.
Nga raportimet mësohet se dy persona kanë hyrë në një vilë në fshatin Pllanë për të grabitur, por banorët i kanë pikasur dhe kanë mundur të kapin njërin prej tyre.
Më pas në vendin e ngjarjes ka shkuar policia, e cili ka arrestuar personin e ndaluar nga banorët e fshatit dhe ka shpallur në kërkim bashkëpunëtorin e tij.
