Kryeministri holandez, Mark Rutte, do të vizitojë Shqipërinë ditën e nesërme, në kuadrin e një turi vizitash që do të zhvillojë në vendet e Ballkanit Perëndimor.
Në Tiranë Rutte do të takohet me kryeministrin Edi Rama, ku pritet të diskutohen çështje me interes dypalësh, por edhe procesi i integrimit të Shqipërisë në BE.
Pas takimit me Ramën, njoftohet se Rutte do të vizitojë ambjentet e Piramidës, për projektin e rijetëzimit në një qendër teknologjie.
Holanda ka qenë një nga vendet skeptike dhe që është kritikuar nga Kryeministri Edi Rama lidhur me procesin e integrimit. Madje Rama në deklaratat e tij të mëparshme e lidhte bllokimin e hapjes së negociatave me problemet e brendshme politike që kishte Holanda, edhe pse autoritetet holandeze e vinin theksin te lufta ndaj krimit.
