Shpresat e shqipërisë vazhdojnë përgatitjet për dy ndeshjet e nëntorit, të vlefshme për eliminatoret e “Euro 2023”, ndaj Slovenisë dhe Kosovës.
Të dyja këto sfida kombëtarja e U-21 do ti zhvillojë në transfertë. Nën drejtimin e trajnerit Alban Bushi, 21-vjeçarët kanë vazhduar përgatitjet, në fushën “Olimpic Park”, në Durrës.
Sipas FSHF-së një lojtar i grumbulluar për këto ndeshje është dëmtuar, ku i është dashur të lërë edhe grumbullimin.
Bëhet me dije se futbollisti i dëmtuar është Tedi Cara, ku pas konsultave me stafin mjekësor të kombëtares, është pranuar se Cara nuk mund të vazhdojë të jetë gati për këto dy ndeshje.
Trajneri Bushi ka menduar menjëherë zëvendësuesin e tij dhe është përsëri një lojtar i Partizanit që vihet nën urdhrat e teknikut U-21. Bëhet fjalë për Arinaldo Rrapaj, i cili do ti bashkohet pjesës tjetër të grupit të lojtarëve për dy ndeshjet e radhës.
