Katër punonjës të Drejtorisë së Tatimeve në Durrës raportohet se janë arrestuar nga policia.
Aksioni vjen si pasojë e skemës së mashtrimeve me TVSH. Në total Gjykata ka lëshuar 5 masa sigurie, por janë arrestuar vetëm 4 persona deri më tani.
Nga raportimet mësohet se janë kryer në mënyrë të kombinuar edhe 2 operacione në Kadastër.
Gjithashtu është ushtruar një kontroll i befasishëm në 7 banesa të zyrtarëve publikë, mes tyre edhe në shtëpinë e ish regjistruesit, Bedri Luku.
Operacioni në Drejtorinë e Tatimeve është kryer nga prokuroria e Durrësit ndërsa në Kadastër operacionet janë organizuar nga SPAK.
