Agravohet situata në Partinë Demokratike.
Deputetja Albana Vokshi sot është larguar nga mbledhja e Grupit Parlamentar të Partisë Demokratike, për shkak se sipas saj nuk ishte lejuar që të bëhej asnjë debat. Vokshi ka thënë se ajo i qëndron deklaratave që ka bërë për kreun e PD, Lulzim Basha, ku ka kundërshtuar nisjen e procesit zgjedhor në dy forume, atë të grave dhe të të rinjve.
Vokshi është shprehur se Basha nuk mund të përfaqësojë vullnetin e të gjithë partisë, sa kohë që shumë janë shprehur kundër tij.
“Nuk na u la të bënim asnjë diskutim, unë i qëndroj deklaratave që kam bërë, Basha nuk përfaqëson qëndrimin e të gjithë partisë”, është shprehur Vokshi.
