Rigels Muçollari, Sekretari i Pergjithshëm i Forumit Rinor të Partisë Demokratike ka folur gjatë takimit të Berishës me të rinjtë demokratë të Tiranës.
Ai u ndal në veprimin e fundit të kryetarit në detyrë Basha, ndaj FRPD.
“I konsiderojmë veprimet zotit Basha si veprime në kundërshtim me statutin me vlerat, me parimet dhe që fyen rëndë dinjitetin e Forumit Rinor të Partisë Demokratike. Unë personalisht i konsideroj si një akt lufte ndaj FRPD, ndërkohë që këtë akt duhet ta shpallë ndaj Edi Ramës dhe jo ndaj nesh.
E konsideroj Lulzim Bashen si një kryetar që po tenton të uzurpojë institucionet brenda Partisë Demokratike. Po tenton të intimidoje njezit që të mos jenë pjesë e foltores, që të mos jenë më Parti Demokratike.
Dua ti bëjë një thirrje edhe në emrin tuaj.
Zoti Basha, jepni fund marrëzisë, jep dorëheqjen një minutë e më parë. Çdo minutë e jotja i jep oksigjen korrupsionit, varfërisë, Edi Ramës.
Zoti Basha jep dorëheqjen, ruaj një fije dinjitet për veten tuaj”, tha Muçollari.
