Përmbytjet në Bosnjë e Hercegovinë kanë arritur në një stad të qëndrueshëm, megjithatë, disa zona paraqesin ende rrezikshmëri.
Në Tuzlë, janë duke u kërcënuar banesat. Situata është e vështirë edhe në Zhivinice, ku janë evakuar 13 qytetarë. Në Sarajevë, uji po tërhiqet në shtretërit e tij.
Ekipet e shpëtimit sakaq, ndodhen në terren dhe po merren me riparimin e dëmeve të përmbytjes. Në zonën e Konjiqit dhe Jabllanicës, gjendja është stabilizuar, ndërsa shumicës së qyteteve i është rikthyer energjia elektrike.
