Një 25 vjeçar, banues në Suedi, u arrestua nga policia e Durrësit, pasi tentoi të kalonte me dokumente false dy shtetas afganë.
Policia njoftoi 25 vjeçari u arrestua në Portin e Durrësit, ndërsa ndaj dy afganëve ka nisur procedimi penal.
“Specialistët për Hetimin e Trafikut të Paligjshëm dhe Narkotikëve arrestuan në flagrancë për veprën penale “Ndihma për kalim të paligjshëm të kufijve” dhe “Falsifikimi i letërnjoftimeve, i pasaportave ose i vizave”, shtetasin R. A., 25 vjeç, banues në Suedi, pasi në PKK Port Durrës, ka tentuar të ndihmojë që të kalojnë kufirin në mënyrë të kundërligjshme, me dokumente të dyshuara të falsifikuara, shtetasit A. B. dhe B. B., banues në Kabul, të cilët u proceduan penalisht në gjendje të lirë, për veprën penale “Falsifikimi i letërnjoftimeve, i pasaportave ose i vizave””, njoftoi Policia.
