Pas problemeve dhe debateve që kanë lindur nga të rinjtë e FRPD dhe kryetarit Lulzim Basha, pasi ky i fundit njoftoi për zgjedhjen e kreut të ri të saj dhe kur kreu aktual Belind Këlliçi doli me deklaratë kundërshtuese, ka reaguar edhe deputetja Albana Vokshi, e cila është pjesë e Lidhjes Demokratike të Grave të Shqipërisë.
Sipas Vokshit PD ka nevojë për demokraci dhe jo për arbitraritet dhe se statuti i PD është i qartë ndërkohë që vendimëmarrja e brendshme nuk lihet në dorën e një neriu.
Më tej Vokshi shkruan se se në situata përplasjesh dhe debati inati, hakmarrja dhe intrigat nuk duhet të prevalojnë ndaj statutit.
Deklarata
Partia Demokratike ka nevojë për demokraci, jo arbitraritet!
Statuti i Partisë është i qartë: vendim-marrja e brendshme nuk lihet në një dorë. Përkundrazi, ajo është e shpërndarë mes një sërë organesh dhe drejtuesve të ndryshëm.
Organizatat Partnere të Partisë Demokratike, LDGSH dhe FRPD, janë forume që organizohen dhe drejtohen në bazë të Statutit të tyre. Askush, as Kryetari i PD, nuk ju merr dot vendimmarrjen.
Asnjë organ, asnjë funksionar nuk mund të uzurpojë pushtetin që statuti ja njeh një forumi, organi apo funksionari tjetër.
Vecanërisht në situata debati apo përplasjesh të brendshme, inati, hakmarrja, intrigat nuk duhet të prevalojnë ndaj statutit.
Përkundër, Statuti është vendimtar dhe mbi të gjitha ceshtjet e mbi te gjithë.
Pas 31 vjetësh, cdo demokrat është në mision, për t’u bashkuar për të ringritur partinë nëpërmjet fuqizimit të anëtarësisë, forcimit të demokracisë të brendshme, respektimit të fjalës dhe mendimit të lirë.
