Mosmarrëveshjet e Zayn Malik me nënën e supermodeles Gigi Hadid, Yolanda-s, ka pasur një ndikim mjaft të madh edhe në marrëdhëniet e tij me pjesën tjetër të familjes.
“Bella ka pasur një zënkë të madhe me të, ashtu si edhe vëllai i saj, Anwar Hadid. Ata e urrejnë atë që ai i ka bërë motrës së tyre,”- tha një burim për “Us Weekly”.
Burimi raporton gjithashtu se Zayn është përballur me ekipin e sigurisë së Gigi-t dhe se “problemet” e tij me ta, bënë që familja të ndërronte dy roje të veçanta kohët e fundit.
Pavarësisht të gjithave, Gigi dëshiron të bashkëprindërojë me Zayn.
“Yolanda është shumë e mërzitur me Zayn, por Gigi e ka bërë të qartë se e bija ka nevojë për babain e saj. Gigi do të bëjë gjithçka që mundet për t’u siguruar që ata të bashkëprindërojnë në mënyrë civile. Yolanda është, sigurisht, shumë mbrojtëse ndaj Gigi-t. Dëshiron më të mirën për vajzën dhe mbesën e saj. Ajo ka pasur disa probleme me Zayn, i cili ka një personalitet të komplikuar. Ajo mendon se ai mund ta trajtojë Gigi-n më mirë. Ka qenë e vështirë për Gigi-n të jetojë me të.”- tha një burim.
Zayn nuk kundërshtoi katër akuzat për kërcënim ndaj Yolanda-s dhe Gigi-t javën e kaluar. Sipas “TMZ”, ai u gjobit dhe është 90 ditë në provë për çdo akuzë, në total 360 ditë. Ai gjithashtu thuhet se duhet të përfundojë një kurs për menaxhimin e zemërimit dhe një program për dhunë në familje.
