Grupi suedez i popit “Abba”, ka shtyrë koncertin që do të mbahej këtë të martë në Suedi, pas një tragjedie që ka ndodhur pak para se të niste shfaqja. Dy persona humbën jetën dhe një grua u plagos dhe u dërgua në spital e cila tani është jashtë rrezikut për jetën.
Të martën në mbrëmje, një burrë 80-vjeçar është rrëzuar nga kati i shtatë i një pallati duke rënë në sallën e koncerteve “Uppsala”, në veri të Stokholmit, mbi trupin e një burri 60-vjeçar, i cili, gjithashtu ka gjetur vdekjen nga goditja, raporton “The Gardian”.
Një grua që ishte afër me 60-vjeçarin u lëndua, por plagët e saj për fat të mirë nuk paraqitën rrezik për jetën.
I gjithë vendi ishte në pritje të koncertit të “Abba-s”, në të cilin do të merrnin pjesë rreth 1,000 veta. Koncerti, që do të organizohej në nder të veprave të Bjorn Ulvaeus dhe Benny Andersson, dy anëtarët meshkuj të “Abba-s”, u mendua të shtyhej.
“Për shkak të lajmit tragjik, pak para koncertit të mbrëmshëm në Suedi, ne kemi vendosur të shtyjmë publikimin e trailerit deri nesër”,- thuhet në postimin e “Abba Voyage” në Twitter.
