Një shtetas algjerian ka rënë në prangat e policisë së Tiranës, për shkak se kanosi me thikë dhe i mori portofolin një 39-vjeçari pranë qendrës së kryeqytetit. Ngjarja ka ndodhur në orët e vona të mbrëmjes së djeshme, dhe pas sinjalizmit te policia, ai është arrestuar.
“B.B, 20 vjeç (shtetas alergjerian) pasi nën kërcënimin e një mjeti prerës ka tentuar ti marrë portofolin shtetasit F. Sh. Gjithashtu, gjatë kontrollit fizik iu gjet dhe iu sekuestrua një sasi lëndë narkotike kanabis”, njofton zyrtarisht policia.
Materialet i kaluan Prokurorisë së Rrethit Gjyqësor Tiranë, për veprime të mëtejshme, shtuan të njëjtat burime.
