Tre shqiptarë janë arrestuarnga autoritetet italiane pasi në makinën në të cilën udhëtonin u gjetën 11 kg kokainë.
Sipas mediave italiane, droga ishte fshehur në pjesën e bagazhit, poshtë tapicerisë me targa gjermane.
Makina u ndalua në autostradën A 22, në Brennero. Shqiptarët e arrestuar të moshës 30 – 40 vjeç udhëtonin nga Gjermania dhe përmes portit të Barit do të mbërrinin në Shqipëri.
Kokaina e sekuestruar raportohet se ishte e cilësisë së lartë.
