Një apartament në katin e parafundit të një pallati te ish-Tregu Elektrik në kryeqytet është përfshirë nga zjarri mesditën e sotme.
Në momentin e ngjarjes brenda kanë një grua dhe një fëmijë që fatmirësisht janë nxjerrë pa lëndime dhe po marrin ndihmë mjëkësore në spital.
“Rreth orës 12:25, në rrugën ‘Petro Nini Luarasi’ ka rënë zjarr në katin e 11-të të një pallati. Si pasojë e zjarrit kanë shkuar për kontroll mjekësor në spital dy shtetas, jashtë rrezikut për jetën”, njoftoi policia.
Nga zjarri ka vetëm dëme materiale në banesë. Zjarrfikësit kanë vënë menjëherë në kontroll flakët duke bërë shuarjen e zjarrit.
Grupi i hetimit po merret me dokumentimin e provave në vendngjarje për të zbuluar shkaqet dhe rrethanat e ngjarjes.
