Vajza 6-vjeçare e cila u dhunua nga 27-vjeçari, babai i saj, ngjarje e ndodhur në Kamëz, ndodhet në gjendje të rëndë shëndetësore, por edhe psikologjike.
Në emisionin “Me Zemër të Hapur”, nëna e vajzës shprehet se ka mësuar nga mjekët se vajza ka probleme me organet e brendshme.
“I janë dëmtuar organet e brendshme, ndodhet në gjendje të rënduar shëndetësore, por edhe psikologjike. Nuk mund të flas me vajzën, pasi e bën shumë nervoze.
Unë isha në punë kur ndodhi dhuna ndaj vajzës. Më mori në telefon dhe më tha se vajza është e helmuar. E kam gjetur vajzën të mbledhur në divan, kokë e këmbë, e kam marrë në krah, e çova në spitalin e Kamzës. Doktori evidentoi disa shenja të zeza në bark dhe na nisi te Pediatria te Nënë Tereza. Mjekja atje evidentoi dhunën që i ishte ushtruar. I kam thënë bashkvshortit çfarë ke bërë, më tha se e kam kafshuar.
I bëmë analiza, doli që rruazat e bardha ishin shumë të larta dhe dyshuan se kishte gjakderdhje të brendshme”, tha nëna e vajzës.
Ajo tha se vajza iu nënshtrua një operacioni që zgjati 6 orë dhe gjendja e saj shëndetësore është e rëndë.
