Liga e Kampioneve rikthehet sot me xhiron e katërt në grupe. Veç skuadrave të para, për të disatin sezon radhazi luajnë edhe ekipet e të rinjve në përballjet Champions. Sfida mes të rinjve të Juventus dhe Zenit, i është besuar treshes shqiptare, me kryesor Enea Jorgjin.
Ndihmësa të “bilbilit” elbasanas do jenë edhe Dojando Myftari dhe Xhulio Mani. Arbitër i katërt do jetë Simone Sozza nga Italia. Sfida zhvillohet sot me fillim nga 15:00 në fushën stërvitore të Juventus dhe vlen për Grupin G të të rinjve.
Kjo nuk është hera e parë që arbitrat nga Shqipëria besohen nga UEFA në eventet ndërkombëtare, teksa më herët kanë drejtuar edhe në Europa League, veç turneut të të rinjve.
