Policia e Laçit ka shoqëruar 16 persona lidhur me vrasjen e ndodhur mëngjesin e sotëm në këtë qytet, ku nga dy persona të maskuar u ekyekutua 60-vjeçari, Xhelal Reçi, ish-punonjës policie.
Viktima u qëllua pranë biznesit të tij, ndërsa pas ngjarjes u gjeti djegur një automjet me targa të huaja, që dyshohet se ishte përdorur nga autorët e krimit.
Nga raportimet mësohet se në drejtim të viktimës është qëlluar me një armë zjarri, ndërsa autorët duket se kanë ndjekur lëvizjet e 60-vjeçarit, që raportohet se kishte dalë për të mbushur ujë, pasi kishte hapur biznesin.
Viktima është babai i Besnik Reçit, të cilit i është bërë një atentat në gusht të vitit 2020, ku një motor me dy persona ka qëlluar ndaj makinës së tij, në të cilën ndodheshin dhe dy fëmijët dhe bashkëshortja.
Policia ka sekuestruar pamjet filmike të siguara nga biznese të zonës, duke shpresuar që përmes tyre mund të arrijë të ndërtojë një identikit të autorëve.
