Çifti i famshëm, Gigi Hadid dhe Zayn Malik janë ndarë 13 muaj pasi u bënë prindër për her të parë. Supermodelja dhe këngëtari morën vendimin pasi Zayn pati një përplasje me nënën e Giti-t Yolanda Hadid.
Lajmi u konfirmua nga burime të shumta pranë çiftit për People.
“Nuk janë së bashku. Megjithatë kanë vendosur të kujdesen të dy për vajzën e tyre. Yolanda është nënë shumë protektive, ajo dëshiron më të mirën për vajzën dhe mbesën e saj”- tha burimi.
Përfaqësuesi i Gigi Hadid tha për People se: “Ajo është fokusuar në mirëqenien e Khai. Gjatë kësaj periudhe kërkon privatësi”.
Lajmet vijnë disa ditë pasi TMZ raportoi se Yolanda Hadid po padiste dhëndrin e saj për dhunë. Por këngëtari mohoi me këmbëngulje për median, “pretendimet e rreme të Yolandës se ai e kishte goditur atë”.
