Harxhi: Basha do mbetet kryetar që do punojë online nga shtëpia, është si një CEO që shkarkohet nga bordi

Edit Harxhi komentoi në studion e Zonë e Lirë situatën aktuale në Partinë Demokratike, teksa e konsideroi foltoren e Berishës një lëvizje që do t’i bëjë shumë mirë partisë.
“Nuk e di se çfarë do të ndodh. Nëse Basha do të kishte dhënë dorëheqjen më parë, por nuk është vonë ta jap dhe tani. Është uragan demokrat”.
Çani: Ka pasur deri tani uragane. A do futet Berisha në seli?
Harxhi: Sigurisht që do të futet. Jemi në kushtet kur para kemi njëkompani që ka një CEO, mblidhet bordi dhe CEO largohet. Bordi në këtë rast është Këshilli Kombëtar. Basha është e padiskutueshme që do të largohet. Në momentin që do të jenë 5 mijë anëtarë që do të votojnë ndryshimet statutore, pose largimin e bashës, atherë Basha do të largohet se nuk do shkojë kundër frymës së bazës. Basha në fund mund të mbetet një kryetar që do të punojë online nga shtëpia.
Çani: Ai do të kërkoj ndihmën e policisë?
Harxhi: Selia është e kuvendit, e demokratëve. Nuk do të thotë që nuk do të futemi. Është godina e shqiptarëve. Hajdeni ditën e hënë më shoqëroni me një kamera dhe do futem unë me 20 persona. Nuk e ndalon Lulzim Basha futjen në seli. Nuk ka palë tjetër. E vetmja palë janë delegatët. Organi më i lartë i PD-së është Kuvendi. Mblidhet në 11 dhjetor dhe do të shohë statutin e PD-së. Do kalojë statuti i ri, PD do ketë një program të ri.
Çani: Kim i ka dhënë mbështetje Bashës?
Harxhi: Nuk besoj se Kim i ka dhënë mbështetje Bashës. Ka edhe ambasadorë të tjerë. Amerikanët jam e bindur se nuk do të donin të kishin një kryetar partie pa parti.