Ish-Kryeministri Sali Berisha do të zhvillojë foltoren e rradhës në Bashkinë e Kamzës, në Qarkun e Tiranës.
Takimi i rradhës do të mbahet më 2 nëntor, ndërsa Berisha zgjodhi Lezhën për të njoftuar se Kuvendi Kombëtar i Partisë Demokratike, do të mbahet më 11 dhjetor, dita kur 31 vjet më parë u themelua Partia Demokratike.
Nga Lezha, Berisha artikuloi akuza të forta drejt Kryeministrit Edi Rama, kreut të PD-së Lulzim Basha, që e konsideroi një peng të Kreut të Qeverisë dhe besëprerë të demokratëve, por edhe ndaj Ambasadores amerikan Yuri Kim, për të cilën tha se kullot në livadhet e qeverisë, duke iu referuar fundjavave që kalon në shoqërinë e anëtarëve të kabinetit Qeveritar.
