Një aksident me pasoja fatale ndodhi në Breshia të Italisë të Mërkurën, ku një i ri shqiptar, Lefter Musta, 32 vjeç, ndërroi jetë. Ngjarja ndodhi në autostradë, teksa shqiptari po kthehej për në punë, kur makina me të cilën lëvizte u përplas me një kamion.
Shkaqet e ngjarjes janë të qarta për autoritetet.
Dyshohet se shpejtësia tej normave të lejuara dhe një parakalim i gabuar kanë bërë që makina e të riut të gjendej përpara kamionit dhe të mos kishte mundësi shpëtimi.
32-vjeçari udhëtonte me një “Audi A5”. Përplasja raportohet se ka qenë shumë e fortë, aq sa shqiptari ka ndërruar jetë menjëherë në vendin e ngjarjes.
I riu jetonte vetëm në Lonato. Siç shkruajnë mediat italiane, ai ka lënë dy prindërit, të cilët jetojnë në Shqipëri. Shoferi i kamionit nuk ka pësuar dëmtime të rënda.
