Dy persona mbetën të plagosur si pasojë e një aksidenti që ndodhi pasditen e sotme në aksin Krujë-Fushë Krujë.
Policia njoftoi se si pasojë e aksidentit ka mbetur i plagosur shtetasi F.M, që drejtonte motomjetin, dhe pasagjerja, N.M, vajza e tij.
Njoftimi nga Policia
Krujë – Me datë 23.10.2021, rreth orës 18:40, në aksin rrugorë Krujë-Fushë Krujë, shtetasi F. M., duke drejtuar motomjetin ka humbur kontrollin dhe ka dalë jashtë rruge.
Si pasojë është dëmtuar drejtuesi i mjetit dhe pasagjerja, (vajza) shtetësja N. M., të cilët ndodhen nën kujdesin e mjekëve, jashtë rrezikut për jetën.
Grupi hetimor ndodhet ne vendngjarje dhe po punon për zbardhjen e rrethanave te aksidentit.
