Pas mbledhjes së qeverisë ditën e sotme Ministri i Brendshëm, Bledi Çuçi, tha se do të rriten pagat e punonjësve të policisë dhe se do ketë investime në infrastrukturën e Policisë së Shtetit dhe në teknologji.
Çuçi tha se është një përgjigjie ndaj programit të qeverisë.
“Dy lajme shumë të rëndësishme për policinë, i pari ka të bëjë me rritjen e pagave për ata punonjës që ushtrojnë detyrën jashtë vendbanimit, që do ta çojë deri në 150% pagat për punonjësit që ushtrojnë detyrën jashtë vendbanimit dhe lajmi i dytë shumë i rëndësishëm është rritja e konsiderueshme në policinë e shtetit në infrastrukturën dixhitale. Kjo do të rrisë efikasitetin në luftën kundër krimit” tha ai.
Ndërsa ministri i Drejtësisë, Ulsi Manja njoftoi rritjen e pagave edhe për policinë e burgjeve dhe barazimin e gradave me punonjësit e policisë së shtetit.
“Rritje e pagave për të gjithë punonjësit e policisë së burgjeve që është i barazuar me të policisë së shtetit, sipas gradave” tha ai.
