Pas Championsit, sot është rradha e Europa League, që rezervon përballje interesante për xhiron e tretë të fazës së grupeve. Lazio e Thomas Strakoshës, Elseid Hysajt dhe Vedat Muriqit do të presë në Olimpico Marsejën. Skuadrës së Sarrit i duhet fitore për të mos komplikuar kalimin e grupit.
Ashtu si Lazio-Marsejë, po në orën 18:45 luhet Betis-Leverskusen, por edhe Fenerbahche-Antwerp.
Në orën 21:00, grupi C rezervon përballjen e shqiptarëve pasi Napoli dhe Legias e Varshavës do vihen kundra njëra-tjetrës. Italianët ku bën pjesë Amir Rrahmani presin në stadiumin ‘Armando Maradona’ polakët e Ernest Muçit, Jurgen Çelhakës dhe Lirim Kastratit. Deri më tani Napoli ka vetëm një pikë në grup, ndërsa Legia ka fituar dy përballjet e para. Pjesë e këtij grupi janë edhe Lokomotiva e Moskës me Leicester, një përballje e zhvilluar një ditë më parë dhe e fituar nga anglezët me shifrat 3-4.
Po sonte në Holandë, përballë do të vihen PSV-ja dhe Monaco, dy skuadra që u eliminuan në ‘play-off-in’ e Champions League. Pas dy ndeshjeve të para, si Monaco ashtu edhe PSV udhëheqin grupin me katër pikë dhe kjo do jetë sfidë që përcakton shumë për kreun.
Po sonte, luan raundin e tretë edhe Conference League, me Romën dhe Tottenham që janë të predispozuara për të marrë 3 pikët e radhës. Italianët e Jose Muorinhos luajnë në transfertë kundër Bodo Glinit, ndërsa Tottenham udhëton në Holandë për t’u përballur me Vitesse-n.
