14 persona u vranë sot në një sulm me bombë në një autobus në Damask, ndërsa 13 të tjerë humbën jetën nga bombardimet e regjimit sirian.
Mediat e huaja njoftojnë se dy bomba të vendosura në autobus shpërthyen herët në mëngjes, duke vrarë 14 persona dhe duke plagosur tre të tjerë.
Sipas Observatorit Sirian për të Drejtat e Njeriut, të gjitha viktimat ishin ushtarakë.
Deri më tani askush nuk e ka marrë përgjegjësinë për sulmin vdekjeprurës në Damask. Megjithatë, një orë më vonë, forcat qeveritare bombarduan Idlibin, bastionin e fundit të xhihadistëve dhe rebelëve në veri të Sirisë.
“Ne nuk kishim parë gjëra të tilla për një kohë të gjatë, menduam se kishim mbaruar me to” tha një dëshmitar okular pranë vendit ku shpërtheu autobusi.
Two explosives reportedly detonated against a military bus in Damascus Wednesday morning. #Syria pic.twitter.com/OYV416cFrb
— Joe Truzman (@JoeTruzman) October 20, 2021
