Banesa e një noteri është grabitur mëngjesin e sotëm në Sarandë.
Burime zyrtare nga policia bënë me dije se rreth orës 08:10, në sallën operative ka telefonuar Thoma Kaçi, 63-vjeç, banues në lagjen nr.4, për të njoftuar se dy persona ende të paidentifikuar, i kishin hyrë me dhunë në banesë dhe i kishin vjedhur një shumë parash dhe dy çelësa automjetesh.
Kaçi, me profesion noter, sipas bluve, nuk ka pësuar dëmtime dhe ndodhet në gjendje të mirë shëndetësore.
Shërbimet e Policisë kanë shkuar në vendngjarje pas marrjes së telefonatës dhe kanë rrethuar zonën.
“Grupi hetimor vijon punën për zbardhjen e rrethanave të ngjarjes dhe fiksimin e çdo prove materiale që do çojë në identifikimin dhe kapjen e autorëve”, thuhet më tej në njoftimin e policisë.
