Një ngjarje e rëndë raportohet të ketë ndodhur në Indonezi, ku të paktën 11 fëmijë u mbytën në një lumë, gjatë një ekskursioni me shkollën.
Mediat vendase njoftojnë se fëmijët në momentin e ngjarjes po pastronin lumin, por rezultoi fatale për 11 prej tyre.
Bëhej fjalë për 150 nxënës të përfshirë në këtë aktivitet, por 21 fëmijë rrëshqitën në ujë, ku 11 nuk ia dolën të mbijetojnë. Për këtë ngjarje ka folur shefi i ekipit të shpëtimit, i cili dha detaje nga ngjarja e rëndë.
“Moti ishte i mirë dhe nuk kishte përmbytje. Fëmijët që u mbytën po ishin kapur për dore me njëri-tjetrin. Njëri rrëshqiti dhe tërhoqi edhe të tjerët me vete”, tha ai.
Mësohet se fëmijët gjatë këtij aktiviteti nuk kishin asnjë mjet mbrojtës.
