Ish-Kryeministri Sali Berisha, i cili po zhvillon Foltoren e rradhës në Dibër, e konsideroi Kuvendin Kombëtar të Partisë Demokratike si atë të ringritjes së kësaj partie.
Berisha tha se mbledhja e këtij Kuvendi është emergjente për tiu përgjigjur situatës së krijuar në vend nga regjimi i Edi Ramës.
Beroisha tha se 2/3 e anëtarëve të Kuvendit Kombëtar të PD në Qarkun e Dibrës kanë firmosur formularët, duke iu bashkuar kërkesës për thirrjen e tij. Berisha tha se janë me mijëra anëtarë të Kuvendit Kombëtar që mbështesin mbledhjen urgjente të tij, duke iu përgjigjur sfidave që kemi përpara.
Berisha tha se në 8 vitet e qeverisjes së Ramës, shqiptarët janë varfëruar dhe sot po diskutohet kafshata e gojës.
“Sot nafta në Shqipëri shitet 3.2 herë më lart se çmimi në bursë. Sot vjedhja monstruoze në të gjitha fushat ka bërë që arka e shtetit të jetë bosh, Qeveria del në treg për të marrë 700 mln euro borxh, ndërkohë që thotë se rritja ekonomike ishte 18 %. Këto janë përralla me mbret, pasi të kesh një rritje ekonomike jo 18 por 8 % ska nevojë të shkosh në banka të marrësh kredinë më të madhe në historinë e vendit”, tha Berisha.
Ai shtoi se Qeveria më anti-njerëzore shpalli krizën energjitike, e cila në fakt është kriza e vjedhjes.
