Një elektriçist është lënduar pasi ka rënë në kontakt me rrymën elektrike teksa punonte në Paskuqan.
“Rreth orës 11:05, në rrugën ‘Fehmi Agani’, duke punuar në një shtyllë të tensionit të lartë, ka rënë në kontakt me rrymën elektrike elektriçisti shtetasi K. G, 55 vjeç, i cili ndodhet në spital, jashtë rrezikut për jetën”, njoftoi policia.
Grupi hetimor po punon për sqarimin e rrethanave të ngjarjes, shtuan të njëjtat burime.
