Kanë pranuar gabimin e vrasjes në Afganistan, qeveria amerikane ka ofruar kompensim financiar për të afërmit e 10 personave të vrarë gabimisht nga ushtria amerikane në një sulm me dron në kryeqytetin afgan, Kabul, në gusht.
10 anëtarë të së njëjtës familje, përfshirë shtatë fëmijë, vdiqën nga bombardimi.
Pentagoni tha se po punonte gjithashtu për të ndihmuar anëtarët e mbijetuar të familjes të zhvendoseshin në SHBA.
Sulmi ndodhi disa ditë para tërheqjes së ushtrisë amerikane nga Afganistani.
Inteligjenca amerikane kishte gjurmuar makinën e njërit prej viktimave për tetë orë më 29 gusht, duke besuar se ishte e lidhur me militantët e IS-K, tha gjenerali i Komandës Qendrore të SHBA Kenneth McKenzie muajin e kaluar.
Në një moment, një dron survejimi pa disa burra që ngarkonin atë që dukej si eksploziv në bagazhin e makinës, por këto dolën të ishin kontejnerë me ujë.
Sulmi ndodhi kur Zamairi Ahmadi – u tërhoq në rrugën e shtëpisë së tij, 3 km (1.8 milje) nga aeroporti.
Një nga të vrarët, Ahmad Naser, kishte qenë përkthyes me forcat amerikane. Viktima të tjera kishin punuar më parë për organizatat ndërkombëtare dhe kishin viza që u lejonin atyre hyrjen në SHBA./ BBC
