Ish-Kryeministri Sali Berisha zhvilloi pasditen e sotme “Foltoren” e rradhës në Korçë, ku të pranishëm ishin deputetët Flamur Noka dhe Edmond Spaho, por edhe deputetja Sorina Koti.
Gjithashtu pjesë e foltores ishin disa prej ish-drejtuesve të degës së PD-së, si dhe ish-anëtarët e dorëhequr të Kryesisë së kësaj dege.
Në takimin e Korçës, ishte i pranishëm edhe kreu i degës së PD-së nv Devoll, Arben Miza, i cili bashkë me deputetin Spaho, u shprehën se Foltorja po u jep shpresë demokratëve për një Parti Demokratike më të fortë.
Sipas tyre, duke theksuar rëndësinë e kësaj lëvizjeje, ata vunë theksin tek pjesëmarrja e madhe e qytetarëve.
Në komentin e tij për ‘foltoren’, deputeti i PD Edmond Spaho vlerësoi maksimalisht pjesëmarrjen e madhe të përkrahësve. Ai tha se kur iu bashkua Foltores ka marrë parasysh edhe ndonjv masë që mund të merret ndaj tij nga kreu demokrat, Lulzim Basha.
Gjithashtu kryetari i PD Devoll Miza, theksoi se ‘foltorja’ ngjalli shpresën e demokratëve.
