Miliona njerëz që marrin statina (ilaçe kundër kolesterolit) kanë mund më pak gjasa të vdesin nga Covid-19 sipas hulumtimeve të fundit. Ilaçet për uljen e kolesterolit janë një nga ilaçet më të njohura në botë.
Ato gjithashtu mund të zvogëlojnë inflamacionin në enët e gjakut, gjë që ka nxitur pyetjen nëse ato mund të ulin rreziqet për vdekje tek pacientët me Covid-19. Tani një studim i madh i botuar në “PLOS Medicine” tregon që statinat shoqërohen me një rrezik pak më të ulët të vdekjes nga Covid-19.
Hulumtimi shikoi “marrëdhënien” midis ilaçeve dhe vdekshmërisë nga Covid-19. Duke përdorur të dhënat nga regjistrat suedezë. Instituti Karolinska mori në studim 963,876 banorë të Stokholmit mbi moshën 45 vjeç midis Marsit dhe Nëntorit 2020. Rezultatet u bazuan në analizat e të dhënave mbi ilaçet dhe kujdesin shëndetësor të përshkruar nga pjesëmarrësit dhe nga regjistri i shkakut të vdekjeve. Informacioni u analizua në lidhje me faktorë të tillë si gjendjet mjekësore të diagnostikuara. Autori i parë Viktor Ahlqvist, nga Departamenti i Shëndetit Publik Global në Institutin Karolinska, tha se në përgjithësi, gjetjet tona mbështesin përdorimin e vazhdueshëm të statinave për kushte të tilla si sëmundjet kardiovaskulare dhe nivelet e larta të lipideve të gjakut në përputhje me rekomandimet aktuale gjatë pandemisë Covid-19. ”
Studiuesit paralajmëruan se do të nevojiteshin studime të rastësishme për të konstatuar nëse ekziston një lidhje mes përdorimit të statinave dhe Covid-19. Tim Chico, një profesor i mjekësisë kardiovaskulare dhe kardiolog konsulent nderi në Universitetin e Sheffield, i cili nuk ishte i përfshirë në studim, tha se nuk ishte ende e qartë pse statinat mund të ndihmojnë pacientët me Covid.
“Covid-19 mund të shkaktojë infeksione shumë të rënda të mushkërive, por gjithashtu shkakton inflamacion të enëve të gjakut. Për shkak se statinet zvogëlojnë inflamacionin në enët e gjakut, ka pasur shumë debat nëse ato mund të përmirësojnë gjendjen e një pacienti ngaCovid-19,” tha ai.
“Ky studim nuk dëshmon se statinet zvogëlojnë vdekjen në Covid-19, por siguron disa të dhëna mbështetëse. Ajo vëren se njerëzit që merrnin statina kishin më pak gjasa të vdisnin. Megjithatë, kjo nuk dëshmon se statinat shkaktuan uljen e niveleve të vdekjeve”, shton eksperti.
Chico gjithashtu bëri thirrje për kujdes pasi ilaçet e tjera që fillimisht kishin treguar se mund të ndihmonin pacientët me Covid-19 por nuk dolën të ishin të dobishme./ SI
