Ish-kryeministri Sali Berisha ka ftuar demokratët e Korçës që të firmosin formularin për mbledhjen e Kuvendit Kombëtar.
Në fjalën e tij Berisha tha se Kuvendi Kombëtar synon të rikthejë demokracinë në PD, ku demokratët të vendosin me votë.
‘Ftoj çdo delegat të firmosë formularin për të mbledhur Kuvendin. Qëllimi madhor është të rikthejmë vlerat tek PD, votën e lirë. Unë besoj vetëm në një PD sovrane dhe që respekton dinjitetin njerëzor. Po tani do thoni ju ku e sheh veten? Më datën 20 maj pyeta veten pse më sanksionuan, çfarë kam bërë këto 8 vite, se para 8 vitesh kam dokumentet me vlerësimet më të mëdha me dekorata në luftën kundër korrupsionit, dhe unë çkisha bërë kisha denoncuar krimin, ndryshimin e kufijve dhe drogën, po mbroja interesin publik. Atëherë një thirrje e brendshme ishte për mua, që ti do rikthehesh se unë nuk kisha asnjë rol. Unë isha një politikan antikomformist. U deklarova gazetarëve se do rikthehem i hapur për çdo funksion në harkun kushtetues të këtij vendi’, u shpreh Berisha.
