Një 34-vjeçar shqiptar mbeti i plagosur si pasojë e një atentati me armë zjarri. Ngjarja ka ndodhur në Kaliftaktit, në Kifisia të Athinës.
Mediat greke shkruajnë se persona të paidentifikuar plagosën të riun shqiptar i cili është dërguar në gjendje të rëndë shëndetësore në spitalin “Gentimatas”.
Ai është qëlluar me dy plumba në bark dhe një në këmbë, ndërsa mediat greke kanë publikuar pamjet e rënda nga vendngjarja, ku shqiptari shihet i shtrirë në tokë, menjëherë pas ngjarjes.
Policia greke ka raportuar krimin një ditë me vonesë pasi ngjarja ka ndodhur dje sipas orës lokale 11:05. Gjithashtu mediat fqinje bëjnë me dije se shqiptar është një personazh i njohur në botën e krimit.
