“Shqipëria ka potenciale, por ato janë keq menaxhuar duke e lënë vendin të jetë i varur nga tregu i huaj”, shprehet eksperti i ekonomisë, Zef Preçi, lidhur me situatën energjetike që pritet të kalojë vendi.
Në një intervistë për Syri TV, Preçi shprehet se reformat e lëna përgjysmë prej koncesioneve të dhëna për interesa jo të vendit, janë pasojë që do të rëndojë xhepin e konsumatorit.
Sipas tij, një situatë e tillë vjen pikë së pari si pasojë e keq menaxhimit nga politika e më pas luhatjet e bursës.
“Shqipëria ka potenciale hidrike të pashfrytëzuara ose të shfrytëzuara keq të cilat kanë bërë që të jemi një vend i varur vetëm nga importi.
Varësia e lartë e importit ka bërë që çdo ndryshim që ndodh në tregun e huaj të reflektohet menjëherë për konsumatorin shqiptar. Reformat e lëna përgjysmë sipas ekspertëve janë larg objektivit që ka qeveria për ta kthyer vendin tonë në eksportues kryesor në vitin 2030”, shprehet Preçi.
