Nga Sonila Meço
Sa ndikon mirëqenien tuaj një seancë parlamentare si e sotmja?
Sa ua bën të përballueshme shifrën në faturat e energjisë, ujit, karburantit, qerasë?
Si ua lehtëson trafikun e ditës?
Sa llogari e bën të japë qeverinë?
Sa e rrit cilësinë e ushqimeve që konsumoni?
Sa i rimburson ilaçet?
Sa i rrit pensionet?
Sa ligje në favorin e konsumatorit, pacientit miraton?
Sa ju garanton se shteti po ju mbron?
Sa ua shton shpresën për të ardhmen në këtë vend?
Pyes, sepse nëse nuk bën as çerekun e këtyre më lart, mund të konsiderohet program televiziv reality show, me super mbulim mediatik, por sponsorizuar nga taksat tona për 4 vjet.
Nuk është konkurencë e ndershme mediatike.
