I ftuar në emisionin “Të Paekspozuarit” në MCN TV, Aldo Bumçi shpjegoi hapat që do të ndjekë Sali Berisha në forumet e Partisë Demokratike.
Bumçi tha se Basha e ka pranuar që nuk është Kryetar që në momentin që tha nuk mbledh Kuvendin Kombëtar.
“Njohja e Kuvendit nuk varet nga kryetari i partisë. Do të ketë ndryshime statutore, ku do të vendoset, kryetari i partisë që humb zgjedhjet, shkarkohet. Nëse humnb zgjedhjet lokale, votëbesohet. Do të ketë primare në parti. Ato që ka bërë Basha nuk kanë qenë primare dhe votë”, tha Bumçi.
Pjesë nga biseda:
Ylli Rakipi: Çfarë kërkon Berisha?
Aldo Bumçi: Kjo nuk ishte diçka e parashikuar, që Berisha të vinte me një projekt të përfunduar në letër. Askush nuk e priste që gjërat të rridhnin në këtë formë. E para është të ringrejë Partinë Demokratike, si një forcë që mund të ndryshojë Shqipërinë.PD ngrihet duke risjellë të gjithë ata që janë larguar, një element. Afrimi i njerëzve të rinj. Hapja nga ana e themeleve ku do të bazohet gjithçka, vota e anëtarit të Partisë Demokratike. Më parë kishim një autoritet aë ishte Berisha, që ndiqte procedurë klasike se kush do të kandidojë në rrethe. I mblidhte struktura. Ishte fitorja që të jep legjitimitet. A kishte pakënaqësi në bërjen e listave? Patjetër, por të çonte në fitore. Berisha ka emrin e tij, punët që ka bërë.
Ylli Rakipi: A ka ambicie Berisha të drejtojë PD-në?
Aldo Bumçi: Kriza zgjidhet kështu, duke kthyer votën e demokratëve. Vota e anëtarit. Nëse nje kryetar partie nuk takon demokratët dhe nuk ndan dot vendimet. Nëse thotë nuk mbledh kuvendin, pranon që është pakicë. Ky është kryetar që pranon se nuk është kryetar i partisë.
Ylli Rakipi: Bëmë marrëveshje, po themi që Basha nuk bën. Më shpjego procesin.
Aldo Bumçi: Po mblidhen firmat. Njohja e Kuvendit nuk varet nga kryetari i partisë. Do të ketë ndryshime statutore, ku do të vendoset, kryetari i partisë që humb zgjedhjet, shkarkohet. Nëse humnb zgjedhjet lokale, votëbesohet. Do të ketë primare në parti. Ato që ka bërë Basha nuk kanë qenë primare dhe votë.
Ylli Rakipi: Ai thotë unë se pranoj Kongresin.
Aldo Bumçi: Kjo nuk ndryshon faktet. Kuvendi i PD-së, ka kompetencë edhe ta shkrijë partinë.
Ylli Rakipi: Por ai del thotë e kam unë vulën…
Aldo Bumçi: Kuvendi bën gjithçka, merr vendime për gjithçka.
