Një zjarr i madh ka përfshirë gjatë natës stacionin Atac, e cila mban brenda saj transportin publik në via Prenestina të Romës.
Mediat italiane shkruajnë se rreth 30 autobusë janë shkrumbuar nga flakët, shumica e të cilave punonin me gaz.
Mësohet se zjarri ka rënë rreth orës 4:15 të mëngjesit, ndërsa ende nuk dihen arsyet dhe rrethanat e ngjarjes.
Zjarrfikëset ndërkohë kanë vendosur në kontroll situatën, ndërsa policia nuk e përjashton mundësinë e zjarrvënies së qëllimshme. Ata kanë sekuestruar kamerat e sigurisë dhe po përpiqen të gjejnë të dhëna të mjaftueshme që mund t’i shërbejnë hetimit.
