Një ngjarje e rëndë dhe njëkohësisht e pazakontë është regjistruar në një fshat në Pirgos të Greqisë, ku një grabitës hyri në shtëpinë e një të moshuare.
Por, ajo që është për t’u habitur është fakti se kjo e fundit nuk u frikësua aspak nga grabitësi, por e qëlloi atë me armë zjarri.
Sipas mediave greke, grabitësi e sulmoi fizikisht atë dhe i hoqi çantën që përmbante dokumente të ndryshme dhe sendet e saj personale, ndërsa pas kësaj e moshuara e qëlloi grabitësin në dorë me armë zjarri.
Personi i arrestuar do të çohet në Prokurorinë e Gjykatës së Shkallës së Parë Ilia, ndërsa në të njëjtën kohë është ngritur një çështje ndaj gruas së moshuar për “shkaktimin e lëndimeve të rrezikshme trupore”, për shkak se qëlloi me armë zjarri grabitësin.
