Policia e Shkodrës ka reaguar lidhur me ngjarjen e ndodhur në zonën e Vermoshit, mesditën e sotme, ku një avion i vogël bëri një ulje të detyruar.
Sipas policisë, është marrë informacion se në zonën e Vermoshit, në kufirin ndarës ndërmjet Shqipërisë dhe Malit të Zi, ku vendi i saktë nuk është përcaktuar ende është rrëzuar një avion i vogël.
“Më datë 04.10.2021, rreth orës 12:30, është marrë informacion se në zonën e Vermoshit, në kufirin ndarës ndërmjet Shqipërisë dhe Malit të Zi (vendi i papërcaktuar) është rrëzuar një avion i vogël.
Menjëherë janë nisur shërbimet nga DVP Shkodër dhe Komisariati i Policisë Malësi e Madhe, së bashku me Policinë Kufitare për verifikimin e rastit,” thuhet në njoftimin e policisë.
