Gjykata Administrative e Apelit në Tiranë, ka vendosur ditën e sotme që të rrëzojë kërkesën e gjyqtares së Elbasanit Enkeleda Kapedani, e cila ka kërkuar rikthimin në detyrë, pas pezullimit për shkak të postimeve në Tik-Tok, ku ajo shfaqte një sjellje joserioze brenda institucionit ku ushtronte detyrën.
Burime për Boldnews.al konfirmojnë se Gjykata Administrative e Apelit në Tiranë, ka vendosur në seancën e ditës së sotme në orën 14:00 që të lërë në fuqi vendimin e marrë më herët nga KLGJ, për pezullimin e magjistrates pas bërjes publike të skandalit, ku shpesh gjyqtarja bionde përdorte zyrat e institucionit ku punonte si pasarela mode, ndërkohë që dosjet e qytetarëve kishin zënë ‘merimanga’.
‘Gjykata Administrative e Apelit Tiranë rrëzoi kërkesën e magjistrates Enkeleda Kapedani që kishte kërkuar:
1-Shfuqizimin e vendimit te Keshillit te Lart Gjyqesor, nr. 240, date 07.06.2021 “Per pezullimin nga detyra te magjistrates Enkeleda Kapidani, me detyre ne Gjykaten e Rrethit Gjyqesor Elbasan.
- Vazhdimin e detyres se gjyqtares prane Gjykates se Rrethit Gjyqesor Elbasan.
Në këto kushte, pezullimi i magjistrates i kërkuar nga ILD dhe vendosur nga KLGJ mbetet në fuqi. ILD vijon hetimin ndaj saj sipas kërkesave të reja nga KLGJ’, thuhet nga burimet e Boldnews.al.
Kapedani u pezullua nga detyra në 7 qershor të këtij viti, për shkak të komprementimit të figurës së gjyqtarit.
Gjyqtarja Kapedani do të mbahet mend për bëmat e saj në rrjet, sidomos për këngët e famfshme që i bënin reklamë mafies.
