Policia e Fierit arrestoi një 28-vjeçar të akuzuar për vjedhje. I arrestuari është shtetasi A. H., 28 vjeç, banues në Patos, i cili dyshohet se i ka vjedhur me dhunë portofolin një qytetari dhe më pas ka vjedhur një sasi parash edhe në një lokal.
“Specialistët për Hetimin e Krimeve në Komisariatin e Policisë Fier kapën dhe arrestuan shtetasin A. H., 28 vjeç, banues në Patos (i dënuar më parë për “Vjedhje”), pasi mbrëmjen e datës 02.10.2021, pas një konflikti për motive të dobëta, i ka marrë me dhunë portofolin me një sasi parash shtetasit V. Sh.
Gjithashtu, po atë natë, ky shtetas ka marrë një sasi parash edhe në lokalin e shtetasit O. P në fshatin Margëlliç, Patos.
Materialet i kaluan Prokurorisë pranë Gjykatës së Shkallës së Parë Fier për veprën penale “Vjedhje me dhunë””, njoftoi policia.
