Sot janë publikuar pamjet e vrasjes së shqiptarit Dikenc Halili në kryeqytetin grek, Athinë. Ai është ekzekutuar me dy plumba në kokë dhe me një në bark në një lokal afër qendrës së Athinës.
Burri 39 vjeç nga Tepelena ishte ulur në bar, kur pranë tij afrohet një person, që e qëllon me armë zjarri.
Të pranishmit janë larguar të lemerisur, për shkak se janë frikësuar nga ajo që ka ndodhur, shkruajnë mediat helene.
Shqiptari është dërguar fillimisht me plagë të shumta në spital, ndërsa më vonë ka ndërruar jetë.
Pista kryesore që po hetohet për këtë vrasje është ajo e larjes së hesapeve, për shkak se shqiptari kishte qenë me precedentë kriminalë.
