Ajax ka pësuar humbjen e parë në Eredivise, duke u mundur minimalisht në shtëpi nga Utrecht. Skuadra e Ten Hag nuk mundi që të shfrytëzonte mundësitë e krijuara në takimin e zhvilluar në Johan Cruijff Arena.
Goli i Warmerdam në minutën e 77-të i dha Utrecht fitoren e pestë për këtë sezon, duke konfirmuar dhe një herë tjetër nisjen e mirë që ka bërë. Ajax ishte kërkues dhe dominoi në pjesën më të madhe të ndeshjes, megjithatë nuk mundi të shfrytëzonte asnjë nga mundësitë e krijuara.
Pas tre fitoreve radhazi Feyenoord është mundur në transfertë nga Vitesse me rezultatin 2-1. Openda shënoi në minutën e 6-të për vendasit, duke e bërë të vështirë për Feyenoord. Megjithatë, miqtë barazuan me anë të Til, por në pjesën e dytë sërish Openda shënoi dhe golin e dytë personal dhe për Vitessen . Në minutat shtesë, skuadra vendase u ndëshkua dy herë me karton të kuq, duke e mbyllur sfidën me 9 lojtarë.
Në takimin tjetër, Azeta Alkmaar triumfoi me rezultatin 1-3 në transfertën Cambuur. De Wit, Windal dhe Clasie ishin autorët e golave për ekipin e Az Alkmaar, që pas kësaj fitoreje shkon në kuotën e 9 pikëv, duke regjistruar dhe suksesin e dytë radhazi.
