Deklarata e hoxhës nga Prizreni, Irfan Salihu, ku fliste për beqarët, është bërë virale kudo në rrjete sociale dhe ka ngjallur reagime të shumta.
“Njerëzit më të këqij të Allahut ka thënë Muhamedi, janë beqarët, njerëzit më të urryer të Allahut janë beqarët dhe të vdekurit më të këqij të Allahut janë beqarët. Edhe beqarkat. Jo, dua ta kryej shkollën, fakultetin, pastaj magjistraturën dhe kur e sheh 30 vjet i ka bërë. Kur me ba kjo fëmijë, kur me rujt ship kur me eduku gjeneratë”, thotë imami mes të tjerash.
Kjo deklaratë e hoxhës u komentua ditën e sotme në emisionin “Goca dhe Gra”, ku Fatma Haxhialiu u shpreh se këtu futen edhe “ata që janë beqare në gjendjen civile”.
“Edhe ne quhemi, edhe ne që jemi beqar në gjendjen civile. Flakët e ferrit po më presin. Po kujdesem të kem shoqëri të mirë”, tha gazetarja me shaka.
E pyetur se pse do shkojë në ferr nga beqaria apo për ndonjë gjë tjetër, duke qeshur shtoi: “Nga beqarllëku dhe nga disa gjëra të tjera më pas”.
