Ish-lojtari i Chelsea dhe i Atletico Madridit, Diego Kosta po hetohet nga policia braziliane si i përfshirë në një rrjet që merrej me pastrimin e parave dhe mashtrime në këmbimin valutor.
Braziliani, i cili aktualisht është pjesë e klubit të Atletico Mineiros sipas mediave është njeriu që ka financuar rrjetin kriminal.
Çështja po ndiqet nga hetuesit brazilianë në shtetin e Sergipes, ku edhe Diego Costa ka lindur.
Policia sekuestroi 2 milionë euro në kesh, ndërkohë që vazhdon të hetojë të gjithë personat që zotërojnë sajtin e basteve sportive “Esportenet”, operatorët financiarë dhe financuesit.
Sulmuesi u kthye në Brazil pasi kontrata e tij me bardhekuqtë përfundoi në vitin 2020.
Sipas mediave braziliane, u vërtetua pjesëmarrja e konvertuesve të parave që ndihmonin organizatën kriminale që të kryente mashtrimin financiar të dyshuar, e po ashtu edhe pjesëmarrja e një futbollisti.
Deri më tani nga Diego Kosta nuk ka pasur reagime, ndërkohë që klubi brazilian i Atletico Mineiros në reagimin e vet deklaroi se nuk ishte në dijeni të akuzave, porse është gati që të mbështesë lojtarin nëse është e nevojshme.
