Kukësi është në punimet finale për stadiumin e ri. “Zeqir Ymeri” ka marrë tjetër pamje, me Superligën që do ketë një tjetër impiant modern. Tanimë në verilindje janë duke I dhënë dorën e fundit punimeve, teksa pjesa më e madhe e tribunave është kompletuar me stola.
Pritet që edhe tribuna qëndrore të mobilohet, ndërsa kanë përfunduar punimet në dhomat e zhveshjes dhe ambientet e tjera për stafet.
Kullat e ndriçimit janë gati, ndërsa është bërë edhe asfaltimi i rrugëve rreth stadiumit. Hedhja e rërës në fushë do të sjellë edhe shtrimin e tapetit, që do dojë më shumë se dy javë nga vendosja e tij, që të luhet futboll. Me Kukësin që ndeshjen e radhës e ka në shtëpi në 24 tetor, duket se afatet do arrihen.
