Miliarderi i teknologjisë dhe hapësirës Elon Musk dhe këngëarja kanadeze Grimes i kanë dhënë fund martesës dhe kanë nisur procedurat e divorcit.
Grimes ka thënë dje me ironi se ashtu Elon Musk, edhe ajo ka planet e saj “jashtë planetit”.
33-vjeçarja (emri i vërtetë Claire Elise Boucher) ka deklaruar se ka në plan të nisë një “komunitet hapësinor lesbikesh”, duke iu referuar sipërmarrjeve hapësinore të Musk me kompaninë SpaceX.
“Ndoshta do të nis të kolonizoj Europa [një nga hënat e planetit Jupiter] veçmas nga kolonitë e Elon, do të hap aty një komunitet hapësinor lesbikesh”, tha Grimes.
Komentet e saj ironike i referohen kontratës së ish-të dashurit 50-vjeçar prej $178 milionë me agjencinë shtetërore të SHBA, NASA për të vizituar hënën Europa për të parë nëse ajo mund të përballojë jetën njerëzore.
Ndërsa vetë Musk ka thënë në lidhje me ndarjen: “Puna ime me SpaceX e Tesla kërkon që të jem kryesisht në Texas ose në udhëtim jashtë vendit, kurse ajo punon kryesisht në Los Angeles. Grimes është me mua tani, po qëndron në dhomën tjetër me Baby X”.
