Kim rrëfen vitet e adoleshencës dhe fajëson Kourtney-n për disa nga gabimet më të mëdha

Kim Kardashian ka rrëfyer vitet e adoleshencës dhe ka fajësuar për disa nga gabimet e saj më të mëdha motrën e saj të madhe, Kourtney.

Kim ndau me ndjekësit në Instagram shtatë fotografi të shumë viteve më parë, me rastin e Ditës Kombëtare të Vajzave. Ajo kërkoi falje për dhimbjet e vazhdueshme që i shkaktoi nënës së saj dhe rrëfeu se është akoma e mërzitur për të paktën një incident të atyre ditëve.

“Mami – më fal! Mbaj mend që isha dënuar këtu sepse Kourtney vodhi makinën tënde vetëm për të bërë xhiro rreth bllokut dhe, në një farë mënyre, edhe pse s’kisha gisht edhe unë u futa në telashe! Kështu që ne nuk kishim çfarë të bënim tjetër veçse të bënim fotografi në garazh. Nuk pata kurrë faj, unë vetëm dëgjova atë që tha motra ime e madhe dhe miqtë. Ata patën ndikime kaq të këqija dhe unë isha perfekte dhe për këtë më fal!”

“Oh, ato ditë të vjetra! Faleminderit Zotit që i mbijetuam asaj faze!” -komentoi Kris.

Kujtojmë se marrëdhënia e Kim dhe Kourtney nuk ka qenë shumë e mirë, sepse motrat kanë pasur shpesh përplasje e zënka të bëra publike në “Keeping Up With The Kardashians”.

 

View this post on Instagram

 

A post shared by Kim Kardashian West (@kimkardashian)