Ndërsa virusi SARS-CoV-2 vazhdon të përhapet globalisht dhe numri i rasteve të diagnostikuara me COVID-19 vazhdon të rritet, ankthi lidhur me shpërthimin është gjithashtu në rritje.
Edhe pse ankthi është një reagim normal njerëzor, rritja e nivelit të ankthit mund të minojë përgjigjet konstruktive ndaj krizës. Njerëzit të cilët tashmë vuajnë nga ankthi dhe çrregullimet e lidhura me to, ka të ngjarë të vuajnë më shumë gjatë krizës së koronavirusit, shkruan the conversation.
Sugjerimet e mëposhtme, bazuar në shkencën psikologjike, mund t’ju ndihmojnë të luftoni me ankthin që shkakton koronavirusi.
1.Kujdesuni për veten
Pasiguria, e cila ka shënuar rritje në SHBA i ka bërë njerëzit më të rrezikuar nga ankthi. Një studim gjatë pandemisë H1N1 në 2009 tregoi se njerëzit që e kishin më të vështirë të pranonin pasigurinë e një situate të caktuar kishin më shumë gjasa të vuanin nga ankthi.
Zgjidhja është të mësoni të përballeni gradualisht me pasigurinë në jetën e përditshme. Filloni nga gjërat më të vogla: Mos i shkruani mesazh shokut tuaj kur të keni nevojë për një përgjigje rreth një pyetje të caktuar.
Bëni hiking pa kontrolluar motin paraprakisht. Ndërsa ndërtoni muskujt tuaj ndaj pasigurisë dhe ulni ritmin e gjetjes së informacioneve në internet.
2.Trajtoni ankthin
Ankthi rritet në varësi të mënyrës si si e trajtojmë.
Lufta kundër ankthit ka shumë forma. Njerëzit mund të përpiqen të largojnë mendjen duke pirë, ngrënë ose shikuar Netflix më shumë se zakonisht. Ata mund të kërkojnë në mënyrë të përsëritur siguri nga miqtë, familja ose ekspertët e shëndetit.
Ose ata mund të kontrollojnë vazhdimisht transmetimet e lajmeve, me shpresën për të qetësuar frikën e tyre. Edhe pse këto sjellje mund të ndihmojnë për një çast, ato mund ta përkeqësojnë ankthin në planin afatgjatë.
Në vend të kësaj, prano që vuan nga ankthi dhe cilësoje si një pjesë të përvojës njerëzore. Në momentin që kuptoni që po vuani nga ankthi i koronavirusit, tregojani përvojën tuaj të tjerëve por pa gjykuar.
Rezistojini dëshirës për të shpëtuar ose qetësuar frikën tuaj duke lexuar me ngulm azhurnimet e virusit. Paradoksalisht, përballimi i ankthit në këtë moment mund të ulë ankthin me kalimin e kohës, raporton abcnews.al
3.Shmangni ankthin ekzistencial
Koronavirusi zgjon frikën universale: frikën nga vdekja. Kur përballemi me prova të vdekshmërisë, ne mbytemi nga ankthi dhe fokusohemi në çdo simptomë që kemi.
Përpiquni të lidheni me kuptimin e jetës suaj dhe merrni mbi vete përgjegjësinë për mënyrën si jetoni.
4.Mos e nënvlerësoni forcën tuaj
Natyrisht do të pyesni veten çdo të bëni mbyllur në shtëpi, pa punë e pa rrogë. Por kini parasysh se po imagjinoni skenarin më të keq të mundshëm dhe studimet kanë vërtetuar se njerëzit e ekzagjerojnë goxha.
Do t’ia dilni shumë mirë, jeni më të fortë nga çmendoni.
5.Mos e mbivlerësoni rrezikun
Koronavirusi mund të jetë i rrezikshëm, me normë vdekshmërie nga 1.4% deri në 2.3% dhe duhet bërë çmos që të ruheni. Por njerëzit gjithashtu duhet të kuptojnë se njerëzit priren të ekzagjerojnë rrezikun e kërcënimeve të panjohura në krahasim me ato që ata tashmë i njohin, si gripi sezonal ose aksidentet me makinë.
Sidoqoftë, falë mbulimit të çdo rreziku nga media, njerëzit janë mësuar të ndihen më të rrezikuar nga ç’janë vërtet. Për të zvogëluar ankthin, kushtojini vetëm 30 minuta në ditë leximit të lajmeve.
6.Kujdesuni për veten
Gjatë kësaj periudhe është e rëndësishme të mbani mend strategjitë e testuara dhe të vërteta të parandalimit dhe zvogëlimit të ankthit.Flini gjumë mjaftueshme dhe bëni ushtrime vazhdimisht, raporton abcnews.al
Këto veprime mund të rrisin mirëqenien tuaj psikologjike dhe të forcojnë sistemin tuaj imunitar.
7.Kërkoni ndihmë profesionale
Njerëzit të cilët janë më të rrezikuar ndaj ankthit dhe çrregullimeve të lidhura me to mund të mos ta përballojnë dot ankthin që shkakton pandemia e koronavirusit.
Prandaj në raste të tilla është e rekomandueshme që të kërkoni ndihmën e një profesionisti.
